es | eu
  

EUSKAL MAHAI-TENIS FEDERAZIOA
FEDERACIÓN VASCA DE TENIS DE MESA

Iker Sastrek brontzea jantzi du Dutch Openean, eta beste pauso bat eman du Tokio 2020ko sailkapenari begira

   Iker Sastre mahai tenis egokituko jokalariak urrats garrantzitsuak ematen jarraitzen du Tokyo 2020rako bidean, Stadskanaalen (Herbehereak) jokatutako Dutch Openean brontzezko domina irabazi ondoren. Iker 2016ko Rio de Janeiroko Paralinpiar Jokoen atarian geratu zen, eta oraingoan ez du gauza bera gertatzea nahi.

   Basque Team-eko bikaintasun-proiektuan kide den jokalariak taldekako brontzea lortu zuen irailean Suediako Europako txapelketan, eta gaurko emaitzarekin 2 klasean (gurpil-aulkian dabiltzan kirolariak) Munduko bederatzi jokalari onenen artean mantentzen da. Datorren urtean Japoniako hiriburuko hitzordurako plaza lotu nahi du Ikerrek.

   Iker Sastre C multzoko bigarren geratu zen Holandako torneoaren lehen fasean. Final-laurdenetan Miguel Angel Toledo bere taldekidea gainditu zuen 3-0, baina finalerdietan Stephane Molliens frantziarraren aurka etsi du (0-3).

   “Zapore gazi-gozoa geratu zait, finala jokatzea gustatuko zitzaidakeen, baina domina bat lortzeko helburua bete dut. Zerrendako 9. postuari eutsiko diot, eta nire lehiakide hurbilenek posizio batzuk galdu dituzte. Tokiorako txartela lortzetik gertuago nago, datorren denboraldiaren hasieraren ziurtatzen ahaleginduko naiz”, azaldu du.


NAZIOARTEKO LEHIAKETETAN PARTE HARTZEA



ZILARRA IKER MARTÍNEZENTZAT ETA MIKEL AGULORENTZAT GUIMARAES-EN

   Iker Martínez, Mikel Angulo, Jon Ander Gerrikabeitia, Belén Calvo, Elene Sagardia eta Natalia Fernández joan ziren Portugalgo udalerrira behe mailetako talde kanbinatu espainiarrarekin.

   Nabarmentzekoa izan da Mikel Angulok Iker Martínezekin lortu zuen zilarra bikoitzen modalitatean Bujor / Miron bikote errumaniarraren aurka. Azken bi hauek izan ziren txapeldunak 3-1 emaitzarekin. 


CHALLENGE SPANISH OPEN (Almería)

   Endika Díez eta Daniel Palacios joan ziren proba horretara; izan ere, proba hori puntuagarria da nazioarteko sailkapenerako: 103 jokalari gizonezko elkartu ziren proban.

   Endika Díez izan zen bere taldeko lehena. Set bakar batean eman zuen amore hiru partiduetan. Indiako, Belgikako eta Egiptoko aurkariak izan zituen; Dani Palacios, berriz, 3. postuan amaitu zuen bi partidu galdu eta Robinson irlandarra garaitu ondoren. Amaierako koadroan Endikak porrot egin zuen Darko Jorgic eslovakiarraren aurka eta horrela amaitu zuen Almeriako ibilaldia.


ETTU CUP: AURREIKUSTEN ZEN PORROTA AUSTRIAN

   Aurreko hilabetean kontinenteko lehiaketaren hirugarren txandarako sailkatu zen Leka Enea taldeak berdindu zuen orain arte izandako erregistrorik onena, eta maila altuko jokalariek osatutako Austriako SG Stockerau talde boteretsuaren aurkako bi partiduen lehenari aurre egin zion. Horren adibide garbia Weixing Chen da; izan ere jokalari hori mundu mailako top 10 delakoan egon dela, eta arerioa izan da Jaime Vidalen aurkako lehen partiduan. Vidalen joko ona gorabehera, ezin izan zituen tantoak gainditu lehiatu zituzten hiru setetan, eta horrela hasi zen markagailuan aurrea hartzen talde austriarra. 

   Endika Díez irabazten hasi zen Adam Pattantius hungariarraren aurkako lehen setean; hala ere, ez zuen garaipena lortu eta 3-1 galdu zuen bigarren partiduan; hori dela eta sailkapen orokorrak oso tarte gutxirekin geratu zen irundarrek zerbait egiteko.

   Dorde Borcic-ek egin zuen lehenengo puntua, zeina bakarra izan baitzen Irungoentzat David Serdaroglu austriarra 3-0 garaitu ondoren, baina austriar nazionalizatutako jokalari txinatarrak berriro irabazi zuen defentsa-jokoari esker, 3-0 puntuazioarekin, eta horrekin garaipena ezinezkoa izan zen bertako taldearentzat eta gipuzkoarrak eskuak hutsik geratu ziren. 

   Errebantxa Irunen izango da, abenduaren 17ko astean Sonia Etxazarreta Teknifikazio Zentroko pistan, eta oso zaila izango da 3-1 emaitzari buelta ematea klubean historia egin ahal izateko. 

IRUNERA ETORTZERA GONBIDATZEN ZAITUZTEGU!!!



Iker Sastrek Urrea lortu du bakarka eta Zilarra taldeka



   Iker Sastrek bere kirol ibilbideko txapelketarik biribilena egin du Alacanten, PTT Spanish Open delakoan. Urrea lortu du bakarka eta Zilarra taldeka. Emaitza hauei esker Ikerrek badu ia 2018ko Munduko txapelketarako sailkapena. Zorionak!!!


ETTU CUP 2. TXANDA



   Joan den asteburuan ETTU CUP, Europako mahai teniseko talde lehiaketaren bigarren txanda jokatu zen. Euskadiko taldeak, Leka-Eneako gizonezkoena eta emakumezkoena, sailkaturik zeuden irailean jokatutako lehen fasean.

   Irungo emakumezkoen talde gaztea, bi jubenilek osatua, Austriako lurraldeetara joan zen. Jokatu beharreko hiru partiduetatik bat ere irabazi ez bazuten ere, emaitzak estuak izan ziren:

    SKNT Luch Vladimir 3-2 IRUN LEKA-ENEA

    Hotel Patria Chica Museo Priego TM 3-1 IRUN LEKA-ENEA

    Leistungszentrum Linz AG Froschberg 3-2 IRUN LEKA-ENEA

   Bestalde, gizonezkoek bidaia konplikatuagoa zuten, Poloniara hurbildu behar baitzuten. Bertan, hiru talde sendorekin neurtu behar izan zituen indarrak. Izan ere, nazioarteko hainbat jokalariren aurka jokatu behar izan zuten, hala nola JEAN MICHELLE SAIVE, CAZUO MATSUMOTO, THOMAS LE BRETON eta RARES SIPOS.

   Irundarrek larunbateko bi partiduak irabazi zituzten, Endika Díez, taldeko jokalari onenak 4 puntu lortu zituela. Hala, matematikoki sailkaturik zeuden ondoko txandarako. Hona emaitzak:

    Logis Auderghem 1-3 IRUN LEKA-ENEA

    ENERGA KTS TORUN 1-3 IRUN LEKA-ENEA

    CS Mioveni 3-1 IRUN LEKA-ENEA

   Era horretara, Irungo taldea bere historian 5. aldiz sailkatu da ETTU CUPeko kanporaketa txandetarako.

   Hurrengo aurkaria STOCKERAU talde austriar indartsua da, jokalari guztiz onak dituena, hala nola CHEN WEIXING austriarra, munduko 10 onenen artean izandakoa, eta ADAM PATTANTYUS, hungariar defendatzailea.

   Partidua IRUNen jokatuko da, abenduaren 17an, igandea. Sarrera doan.


EMAITZA BIKAINAK ZONAKO TORNEOAN

   Urriaren 28, 29 eta 30ean Galiziako Lalín herrian Estatuko Torneorako sailkatzeko Zonako Torneoa jokatzen zen, kategorietako Ranking Nazionalerako baliozkoa.

   Hogeitik gora euskal jokalarik postu bat lortu dute zegozkien kategorietan ‑9 postu zeuden kategoria bakoitzeko‑, eta poltsikoan daukate ESTATALean jokatzeko txartela, Valladoliden otsailean jokatzekoa dena.

   Jarraian, sailkatutako jokalari euskaldunen emaitza, hauetatik 11 podiumera igo ziren:
  • Neska Alebinak: Nerea Aizpurua 1. sailkatua (Atlético San Sebastián)
  • Neska Alebinak: Anne Felipe 4. sailkatua (Basauri)
  • Neska Alebinak: Amaia Angulo 7. sailkatua(Irun Leka-Enea)
  • Neska Alebinak: Irati Artola 9. sailkatua(Atlético San Sebastián)
  • Mutil Alebinak: Haitz Minguez 9. sailkatua (Irun Leka-Enea)
  • Neska Haurrak: June García 4. sailkatua (Irun Leka-Enea)
  • Neska Haurrak: Sara Martinez 9. sailkatua(Irun Leka-Enea)
  • Mutil Haurrak: Iker Martinez 1. sailkatua (Atlético San Sebastían)
  • Mutil Haurrak: Iker García 3. sailkatua (Irun Leka-Enea)
  • Mutil Haurrak: Ander Cepas 5. sailkatua(Atlético San Sebastián)
  • Mutil Haurrak: Aimar Chamorro 7. sailkatua(Irun Leka-Enea)
  • Mutil Haurrak: Mikel Angulo 9. sailkatua(Irun Leka-Enea)
  • Neska Jubenilak: Ane Ribera 4. sailkatua (Irun Leka-Enea)
  • Neska Jubenilak: Natalia Fernández 5. sailkatua (Irun Leka-Enea)
  • Neska Jubenilak: Maite Aizpurua 6. sailkatua(Atlético San Sebastián)
  • Mutil Jubenilak: Jon Ander Guerricabeitia 1. sailkatua (Irun Leka-Enea)
  • Mutil Jubenilak: Pedro David Granko 2. sailkatua (Peñaskal)
  • Mutil Jubenilak: Juan Olazabal 7. sailkatua (Marpex Beraun)
  • Mutil Jubenilak: Hodei Mancha 8. sailkatua (Irun Leka-Enea)
  • 23 urte azpiko Mutilak: Daniel Palacios 1. sailkatua (Irun Leka-Enea)
  • 23 urte azpiko Mutilak: Adrian Presto 9. sailkatua (Marpex Beraun)
  • Senior Gizonezkoak: Eder Vallejo 2. sailkatua (Irun Leka-Enea)
  • Senior Gizonezkoak: Xabier Legarra 5. sailkatua (Marpex Beraun)
  • Senior Emakumezkoak: Alejandra Martin 6. sailkatua (Gure Talde)
  • Beteranoak 40: Fernando García 7. sailkatua (Irun Leka-Enea)
  • Beteranoak 50: Oskar Gutierrez 1. sailkatua (Gure Talde)


PORTUGALGO OPENA



   Hurrengo azaroaren 22etik 25era, Guimaraesen Portugalgo Kadete eta Junior Opena jokatuko da. Proba hau Munduko Junior Zirkuitukoa da eta Munduko Rankingerako balio du. Euskadiko Federazioak ondoko jokalari hauek deitu ditu:

   JON ANDER GUERRICABEITIA, IKER MARTINEZ, MIKEL ANGULO, ELENE SAGARDIA

   Gorka Fernández izango da EMTFko teknikari arduraduna.

   Zuen parte hartzea idatziz berrets dezazuen behar dugu, 2017ko urriaren 25a baino lehen, ondoko helbidean: presidentea.emte@yahoo.com.

   Kontuan izan behar da herrialdetik ateratzeko, jokalariek pasaportea eta gurasoen baimena behar dituztela. Era berean, Europako Osasun Txartela eraman behar dute.

   Jokalari bakoitzaren ekarpen ekonomikoa bidaia eta hotel kostu osoaren %50ekoa izango da, lehiaketa amaitu eta astebetera federazioari ordaindu beharrekoa, behin bidaia eta ostatuko gastu osoak kalkulatu ondoren. Guztira, jokalari bakoitzaren gastua 300-350€ ingurukoa izango da kadeteentzat eta 500€ juniorren kasuan.

CONVOCATORIA


ZONAKO TORNEOA ( LALÍN)



   Urriaren 28, 29 eta 30ean Galiziako Lalín herriak, berriro hartuko du Estatuko Torneorako sailkatzeko balio duen Zonako Torneoa. Estatuko Torneoa Valladoliden jokatzekoa da, 2018ko otsailean.

   Kategoria bakoitzeko 9 jokalari onenek lortuko dute sailkapen hori.

   Euskadiko 50 jokalari baino gehiago joatekoak dira ekitaldi horretara, non adin guztietako ia 500 jokalari lehiatuko diren.

   Espero dezagun ahalik eta jokalari euskaldun kopuru handiena sailkatzea.

   Datorren astean azalduko ditugu emaitzak.

   CUADROS COMPETICIÓN

Webgunearen informazioa eskuratu ahal izateko, hirugarrenen cookieak erabiltzen ditugu. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies